Wia dis foto come from,Getty Images
At least, ova 3,000 Nigerians wey no get legal documents to stay for America dey face risk of deportation.
Dis na according to local media reports wey quote one document wey Fox News get from di United States Immigration and Customs Enforcement and Removal Operations (ICE).
Fox News bin report on Tuesday 28 January say di Nigerian immigrants don dey ICE non-detained docket wit final orders of removal since November, 2024.
Di report add say Nigeria na di second highest number of citizens wey dey scheduled for deportation in Africa, followed by Somalia, Ghana, Senegal, among odas.
Since President Donald Trump take ova office on 20 January, immigration enforcement operations don start across major US cities.
One nationwide immigration crackdown on Sunday, 27 January bin lead to di arrest of 956 pipo. E follow di 286 arrests on Saturday, 593 arrests on Friday and 538 arrests on Thursday.
As at November 2024, ova one million non-US citizens bin dey on di Immigration and Customs Enforcement non-detainee register and subject to one final order of removal.
Di website say between 2023 and 2024, thousands of African nationals enta United States illegally through Nicaragua.
Di first deportation flights wey carry hundreds of undocumented migrants dem deport from di US don land Guatemala and Mexico.
Important documents you need to stay for US as legal migrants
Wia dis foto come from,USCIS website
One cornerstone of Trump immigration policy na to remove unlawful migrants comot di US and di promise of “mass deportations”.
To stay legally for di US as a migrant, you go need di following documents wey include, valid passport, relevant visa depending on your reason for staying (work, family, asylum), proof of your relationship to a US citizen or sponsor (if applicable), and depending on di visa type.
Additional documents like employment offers, birth certificate, marriage certificates, medical records, and financial statements to demonstrate your ability to support yourself for di US dey necessary.
Key documents for different immigration pathways
For Permanent Residency (Green Card)
Di US dey give permanent residents valid Permanent Resident Card as proof of dia legal status for di US. Some pipo dey call am Green Card.
To get di Green Card you go need di following.
- Valid passport
- Immigration visa
- Form 1-551 (Green card)
- Proof of relationship to a US citizen or lawful permanent resident (if applicable).
For Employment based-immigration:
- Form I-766, Employment Authorization Document Card
- Job offer letter from a US employer
- Form I-140 (Immigrant Petition for Alien Worker)
- Labour Certification (if required)
For Family-based immigration:
- Form I-130 (Petition for Alien Relative)
- Birth certificates of family members
- Marriage certificate (if applicable)
For Non-immigrant Visas (temporary stay):
- Valid passport
- Relevant non-immigrant visa (e.g., tourist, business, student, work)
- Supporting documents for di purpose of your stay (e.g., acceptance letter from a US school for student visa).
